Оралда Деркөл өзенінде 12 жасар бала көз жұмды
БҚО ТЖ департаментінің баспасөз қызметінен мәлім еткеніндей, 4 шілде күні Деркөл өзенінде шомылуға тыйым салынған жерде 2011 жылғы ұл бала ойын кезінде аспалы көпірден секірген.
18:10 10.07.2024
Содан оның аяғы саяжайда су жинауға арналған сорғының құбырына жұтылып кеткен. Салдарынан бала оқиға орнында көз жұмды.
БҚО полиция департаментінің баспасөз қызметі аталған деректің жазатайым оқиға ретінде тіркелгенін жеткізді. Тергеу амалдары жүргізіліп жатыр.
БҚО денсаулық сақтау басқармасы баспасөз қызметінің нақтылауынша, 103 операторына сағат 19.09-да хабар жеткен. Бала жедел жәрдем жеткенше қайтыс болып кеткен.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
