Алматыдағы ең ірі көшелердің бірі ішінара жабылады
Алматы қаласындағы ірі көшенің бірі - Қ. Сәтбаев көшесі ішінара жабылады.
19:13 12.07.2024
«Алматы жылу жүйесі» ЖШС мәліметінше, Бостандық ауданында жылу желілеріне жөндеу жұмыстарын жүргізу үшін Сәтбаев көшесінің бойында көлік қозғалысы жабылады.
«13 шілде сағат 22:00-ден 14 шілде сағат 16:00-ге дейін Сәтбаев көшесінің бойымен Сейфуллин даңғылынан Масаншы көшесіне дейін екі бағытта да көлік қозғалысы жабылады. Масаншы көшесінен Байтұрсынов көшесіне дейін шығыс бағытта көлік қозғалысы шектеледі», - делінген хабарламада.
Масаншы көшесінен бастап Байтұрсынов көшесіне дейінгі аумақта - батыс бағытта қозғалыс ашық болады.
Сонымен қатар, жүргізушілерге жол жүру бағытын алдын ала жоспарлауға кеңес берді.
Фото: Алматы әкімдігі
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
