Синоптиктер ауа райына байланысты ескерту жариялады

Қазақстан аумағының басым бөлігінде атмосфералық фронттардың өтуімен найзағай ойнап, бұршақ жауып, екпінді жел соғады. Еліміздің батысында, солтүстік-батысында, оңтүстігінде, орталығында және оңтүстік-шығысында жаңбыр жауады. 

Тек республиканың шығысында антициклон екпінімен жауын-шашынсыз ауа райы сақталады. Республика бойынша жел күшейеді, түнде және таңертең еліміздің солтүстігі мен шығысында тұман түседі деп күтілуде.

Күндіз Алматы облысында және Жетісу облысында қатты ыстық болады. Сондай-ақ Қарағанды ​​облысының оңтүстігі мен Абай облысында да қатты ыстық күтіледі. 

Маңғыстау облысының солтүстік-батысында, Атыраудың оңтүстік-шығысында, Батыс Қазақстанның оңтүстік-батысында, солтүстігінде, оңтүстігінде, оңтүстік-шығысында, батысында, Ақтөбенің оңтүстік-шығысында, солтүстік-батысында, Жамбыл облыстарының солтүстік-шығысында жоғары өрт қаупі сақталады. 

Түркістан, Маңғыстау облыстарында, Жамбылдың батысында, оңтүстігінде, Ұлытау облысының орталығында, Қостанайдың оңтүстігінде, орталығында, шығысында, Қызылорда облыстарының оңтүстігінде жоғары өрт қаупі сақталады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!