Қырғызстанда сел кезінде жоғалған баланың денесі табылды
Қырғызстанның Ош қаласында сел кезінде жоғалып кеткен 7 жасар қыздың денесі Өзбекстан аумағынан табылды.
Фото: facebook.com/mchs.gov.kg
10:41 15.07.2024
Қырғызстан Төтенше жағдайлар министрлігі баспасөз қызметінің хабарлауынша, Әндіжан қаласындағы (Өзбекстан Республикасы) Шахрихонсой суару каналынан 2017 жылы туған Н.С.-ның денесі табылды.
Баланың денесі «Достук» бақылау-өткізу бекетінде қырғыз тарапына берілді. Жоғалған екі әйел мен екі қызды іздеу жұмыстары жалғасып жатыр.
Қырғызстанның Ош қаласында сел кезінде төрт адам ұшты-күйлі жоғалып кетті. 14 шілдеде Ошта төтенше жағдай режимі енгізілді.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
