2022 жылы шетелден әкелінген 677 ауыр жүк көлігі заңсыз тіркелген
2022 жылдың тексеру қорытындысы бойынша 5,1 млрд. теңге сомасына көлік құралын бастапқы тіркегені үшін алымды төлемей шетелден әкелінген ауыр жүк көліктерін тіркеудің 677 фактісін анықталды.
19:04 17.07.2024
«Мемлекеттік кірістер органдары Алматы облысының Прокуратурасымен бірлесіп, Алматы облысы Әкімшілік полиция басқармасының 2022 жылды тексеру қорытындысы бойынша 5,1 млрд. теңге сомасына көлік құралын бастапқы тіркегені үшін алым және 0,7 млн. теңге сомасына мемлекеттік баж төлемей шетелден әкелінген ауыр жүк көліктерін тіркеудің 677 фактісін анықтады. Алматы облысы бойынша ЭҚД 3,1 млрд. теңге сомасындағы 413 салық төлеушіге қатысты қылмыстық іс қозғады», - деп хабарлады Алматы облысы бойынша Мемлекеттік кірістер департаменті.
Көлік құралын тіркегені үшін алым бір рет төленеді.
Үшінші елдерден әкелінетін автокөлік құралдары, атап айтқанда, шығарылған жылы 7 жылдан асатын ершікті тартқыштар, шығарылған жылы 5 жылдан асатын автобустар мен жүк автомобильдері бастапқы есепке қою кезінде алым төлемеген, оның мөлшері 2 500 АЕК немесе 7,6 млн. теңгені құрайды.
Қазіргі уақытта ӘПБ борышкерлерге хабарлама жіберу бойынша іс-шаралар жүргізіліп жатыр.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
