Алматыда онлайн сатылған 8 мың вейп тәркіленді
Алматы полициясы 8 мың вейпті тәркіледі. Құқық бұзушылар бұл өнімдерді онлайн платформаларда сатқан.
Фото: Алматы қаласы ПД
14:58 18.07.2024
«Мессенджерлер арқылы күдіктілер тауардың саны мен жеткізілетін мекенжайы көрсетілген онлайн тапсырыстар алып отырған. Сатып алушыға жеткізу курьерлік қызметтер арқылы жүзеге асырылды. Вейп көпқабатты үйлердің жертөлесінде, компьютерлік клубтардың ішінде, бір сөзбен айтқанда, құпиялылық шараларын сақтай отырып орналастырылған. Бір кездері жұмыс істеген ресми дүкендер жабылғандықтан, онлайн түрде тыйым салынған вейптерді сату деректері бар. Тек соңғы 24 сағаттың ішінде заңсыз айналымнан 8 мыңнан астам вейп пен оның құрамдас бөліктері тәркіленді», - деді Алматы қаласы Полиция департаменті бастығының орынбасары, полиция полковнигі Қуатбек Науатов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
