БҚО-да 132 шақырым газ құбыры мемлекет меншігіне алынды
Батыс Қазақстан облысында Қаратөбе ауданы прокуратурасы жүргізген талдау нәтижесінде елді мекендерді табиғи газбен қамтамасыз ететін 132 км газ тасымалдау желілерінің иесіз екені анықталды, деп жазады kazinform.
Фото: Bloomberg
10:45 24.07.2024
БҚО прокуратурасынан мәлім еткеніндей, пайдалану ережелері мен сақтық шараларын мұқият сақтауды талап ететін иесіз мүлікке уақтылы қызмет көрсету шараларын қолданбау газдың үздіксіз жеткізілуіне әсер етіп қана қоймай, сонымен қатар жергілікті тұрғындар мен қоршаған ортаға қауіп төндіреді.
«Осыған байланысты жергілікті атқарушы органдар прокурорлардың шаралары бойынша газ құбырын сот арқылы мемлекет меншігіне алды. Газ құбырын мемлекет меншігіне алу алдағы уақытта газбен қауіпсіз қамтамасыз ету және газ құбырлары мен басқа да газ тарату желілерінің зақымдануын болдырмау бойынша тиісті шараларды жүзеге асыруға мүмкіндік береді», - деп хабарлады ведомстводан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
