Өткен аптада азық-түлік тауарының 8 түріне баға төмендеді
Үкіметте Премьер-Министрдің орынбасары Серік Жұманғариннің төрағалығымен еліміздегі азық-түлік қоры мен бағаның қазіргі жағдайын талқылаған жиналыс өтті, деп хабарлайды ҚР Сауда және интеграция министрлігінің бапасөз қызметі.
Фото: ҚР Сауда және интеграция министрлігі
19:39 30.07.2024
Мәселен, өткен аптаның қорытындысына сәйкес, 8 тауар бойынша бағаның төмендеуі байқалды. Атап айтқанда, жұмыртқа – 0,7%, айран – 0,5%, сары май және қарақұмық жармасы – 0,4%, күріш пен ұн – 0,2%, қант пен макарон өнімі – 0,1%. Нан, сүт, сүзбе, сиыр еті және тұз бағасының орташа индексі тұрақты.
Сауда және интеграция бірінші вице-министрі Айжан Бижанова жеті өңірде, Алматы, Ақтөбе, Қарағанды, Қызылорда, Батыс Қазақстан, Солтүстік Қазақстан облыстарында баға индексі тұрақты болып отырғанын хабарлады. 6 өңірде: Ұлытау – 0,4%, Шымкент және Павлодар облыстары – 0,2%, Атырау, Ақмола және Түркістан облыстары – 0,1% төмендеу байқалады.
Кеңесті қорытындылай келе, Серік Жұманғарин күзгі-қысқы көкөністерге келісімшарттың төмен үлесі байқалатын өңірлерге бағаның өсуіне жол бермеу үшін форвардтық шарттар жасасу жөніндегі жұмысты күшейтуді тапсырды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
