Семей орманы резерватынан өрт шықты
"Семей Орманы" МОТР операторынан Бесқарағай ауданында Дөңгелек орманшылығының аумағында орман жабындысы бар аймақта дақылдар өртеніп жатқаны туралы хабарлама келіп түскен.
Фото: ТЖМ
10:16 02.08.2024
Экология және табиғи ресурстар министрлігінің мәліметіне сенсек, өрт кеше 12:06 кезінде байқалған. Техника орман өртін сөндіру стансасынан 12:12 шамасында жолға шықты. 12:45-те орманшылар мен құтқарушылар өрт сөндіруді бастады.
Семей орманы резерваты мен Абай облысы ТЖД қызметкерлері тілсіз жаумен бірлесіп күресті.
Өрттің жалпы ауданы — 7 гектар. Оның ішінде орманмен қамтылғаны — 1,06 га. Өрт сөндіруге 82 адам және 26 техника қатысты. Оның ішінде МИ-2 тікұшағы да бар.
Жалын түнде ғана ауыздықталып, сөндірілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
