Қазақстанда пойыз билеттерінің бағасы өзгереді
Елімізде 140 жолаушылар пойызы бар, тарифтердің көтерілуі соның 62-сіне әсер етеді, деп хабарлайды ҚР Көлік министрлігі.
Фото: Адлет Беремкулов/ Kazinform
08:34 07.08.2024
Ведомствоның мәліметінше, тарифтерді көтеру автокөлік паркін жаңарту, көрсетілетін қызметті жақсарту және қызметкерлердің жалақысын көтеру үшін қажет, деп жазады kazinform.
Сондай-ақ министрлік соңғы 10 жылда әлеуметтік маңызы бар бағыттар бойынша жолаушыларды тасымалдау бағасының өсуі байқалмағанын (инфляция деңгейіне индекстеуді қоспағанда) атап өтті.
— Жолаушылар вагондарының паркі 2 667 бірлікті құрайды, оның тозуы 44 пайызға жетті. Вагондар паркін жаңартуды жеке тасымалдаушылар да, ұлттық тасымалдаушылар да жүзеге асырады. Мәселен, 2023 жылы 118 вагон, 2024 жылы 140 вагон сатып алынды. 2025 жылдан бастап жыл сайын 200-ден астам вагон сатып алу жоспарлануда, 2030 жылға қарай сатып алу 1200 бірлікті құрайды, - деп жазды министрліктен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
