Арқалықта ақбөкеннің ұшасын бірнеше рет сатқан ер адам сотталды
Ақбөкендердің популяциясын сақтау мақсатында Қазақстан Республикасында оларды тіршілік ету ортасынан, олардың бөліктері мен дериваттарынан (мүйіз, қан және т.б.) алуға (табуға, аулауға, атуға, жинауға, күресуге) тыйым салынады.
Фото: Қостанай облысының прокуратурасы
18:23 14.08.2024
Арқалық қаласының прокуратурасы талдау барысында қала тұрғыны қала аумағында бірнеше рет ақбөкен етін заңсыз сатқанын анықтады.
«Осы факт бойынша сотқа дейінгі тергеу жүргізілді, оның барысында ақбөкеннің 5 ұшасының еті тәркіленді, мемлекетке келтірілген залал 21 млн теңгеден асты.
Сот азаматты 3 жыл 6 ай бас бостандығынан айыру түріндегі жаза тағайындаумен автокөлікті тәркілеумен экологиялық қылмыс жасағаны үшін кінәлі деп таныды», — деп жазды бақылаушы органнан.
Үкім заңды күшіне енді.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
