Алматы көшелерінің бірінде жылу құбырын жөндеу мерзімі ұзарды
Жетісу ауданы Павлодар көшесінің бойында екі бағытта жол қозғалысын шектеу мерзімі тағы бірнеше күнге ұзартылды.
Фото: Александр Павский/ Kazinform
10:24 18.08.2024
Жылу желілерін жаңғыртуға байланысты Павлодар көшесінің бойында №136 үйден бастап Мақатаев көшесіне дейін екі бағытта жол қозғалысы 26 тамыз сағат 00:00-ге дейін шектелетін болады. Бұған дейін аталған аумақта көлік қозғалысы 19 тамыз күнгі 12:00-ге дейін жабылады деп хабарланған болатын.
- Уақытша шектеулер осыдан 43 жыл бұрын 1981 жылы пайдалануға берілген, ұзындығы 2 мың 135 метр болатын автокөлік жолының бөлігінің астынан өтетін құбырды жаңғырту учаскесінде жоспарлы жұмыстарды жүргізу қауіпсіздігін қамтамасыз ету үшін қажет. Уақытша қолайсыздықтарға түсіністікпен қарауларыңызды сұраймыз, - деп хабарлады «Алматы жылу жүйесі» ЖШС.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
