Fly Arystan билеттері неге қымбаттады – Министр жауабы
Көлік министрі Марат Қарабаев елдегі лоукостер әуе компаниясының билеттері неге өзге компаниялардан қымбат екенін түсіндірді.
Фото: Солтан Жексенбеков/ Kazinform
13:57 20.08.2024
«Лоукосер өз мақсатынан айныған жоқ. Кезінде 12-16 мың теңгеден билеттер шыққанда, мүлдем ұшақпен ұшпаған адамдар да ұшып бастады. Бұл қазақстандықтар арасында жаңа мәдениет қалыптастырды. Соның нәтижесінде соңғы үш жылда әуежай жолаушылары саны 20 пайызға артты. Жалпы Fly Arystan құрылғалы билеттерінің 56 пайызы жеңілтетілген бағамен сатылған», - деп жауап берді министр Үкімет үйінде тілші сұрағына.
Министр билет бағасы мемлекет тарапынан қадағаланбайтынын, бұл нарықтық экономика екенін де еске салды. Ал тілші лоукостер бағасынан Air Astana, Scat әуе компанияларының билеті арзанырақ шығатынын айтты.
«Қазір Алматыдан Астанаға 19 қыркүйекке билет қарап отырымын, 19 мың теңгеден билеттер бар. Жалпы билет бағасының 60 пайызын жанар-жағармай құрайды, оған қоса ұшақты күтіп-ұстау, қозғалтқыш секілді бөлшектерінің бағасы шетелдік валютада өсіп жатыр, бұл да бағаға әсер етеді. Скаттың өзі де жеңілдікті билет жүйесін енгізіп жатыр. Бұл әрине жақсы, Fly Arystan бомлағанда билет бағасы қымбатқа сатылар еді», - дейді М. Қарабаев.
Сонымен бірге, министр қазақстандық және шетелдік әуе компанияларын салыстыруға болмайтынын айтты.
«Біріншіден халықаралық бағыттарда қанша компанияның жұмыс істейтініне қарау керек. Бір бағытқа бірнеше компания ұшса, қызу бәсекелестік бағаға әсер етеді. Екіншісі, ара қашықтық шақырымын есептеу керек. Тура сол шақырымды есептесеңіз, Еуропадағы баға біздікімен бірдей немесе біздікі төмен болып шығады. Мұндай егжей-тегжейлі саралауды жиі өткіземіз. Жалпы ұшақты күтіп-ұстауда әлем бойынша бір баға бар. Осының бәрі билет құнына әсер етеді», - дейді Көлік министрі.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!