Алматыда тозығы жеткен құбыр ауыстырылды
Алматыда 33 жыл бойы пайдаланылып келе жатқан құбыр ауыстырылды.
Фото: Алматы әкімдігі
08:05 27.08.2024
Алматыда 1991 жылдан бері қолданысқа берілген 2 шақырымға жуық құбыр жаңартылды, деп жазады kazinform.
Абай даңғылы мен Саин көшесінің батыс бағытындағы бұл құбыр 406 көппәтерлі және 105 жеке тұрғын үйді, 4 балабақшаны, 1 денсаулық сақтау нысанын және 6 өзге де нысанды жылумен және ыстық сумен қамтамасыз етеді.
«Жаңарту кезінде көрсетілген аумақтағы тұтынушыларға ыстық су беру тоқтатылған жоқ. Барлық жұмыс мерзімінде аяқталды, аталған учаскедегі автокөлік қозғалысы қалпына келтірілді», - деп атап өтті қалалық әкімдіктен.
Қалада биыл 20 км жылу желілерін қайта жаңарту көзделген. Алматының 6 ауданында жылуаралық кезеңге жоспарланған қайта жаңарту бекітілген кестеге сәйкес жүргізіледі. Оның негізгі бөлігі аяқталып қалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
