Алматы полициясы қала тұрғындарына бірнеше көшеде жол қозғалысы шектелетінін ескертті
Алматы полициясы қала тұрғындарына бірнеше көшеде жол қозғалысы шектелетінін ескертті, деп хабарлайды Zakon.kz.
Фото: freepik
19:10 29.08.2024
Полицияның мәліметінше, жол қозғалысы ертең таңғы уақытта шектеледі.
"2024 жылғы 30 тамызда сағат 09.30-дан 11.00-ге дейін Сәтбаев көшесі бойымен Луганского көшесінен Достық даңғылына дейін, сондай-ақ, Достық даңғылы бойымен Сәтбаев көшесінен Абай даңғылына дейін қысқа уақытқа жол жабылады", - делінген хабарламада.
Осыған байланысты Алматы полициясы халыққа жол қозғалысы ережелерін қатаң сақтауды, бағыттарын алдын ала реттеуді ескертті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
