Александр Кержаков «Қайрат» командасы бас бапкері қызметінен кетті
Ресейлік маман Александр Кержаков «Қайрат» командасы бас бапкері қызметінен кетті.
Фото: fckairat.com
13:28 03.09.2024
Команданың баспасөз қызметі келісімшарт екі тараптың өзара келісімі бойынша бұзылғанын хабарлады. Онымен бірге оның көмекшілері Владимир Казаков пен Руслан Аджинджал да клубтан кетеді.
Александр Кержаков «Қайрат» командасына мамыр айының соңындакелді. Оның жетекшілігімен команда 12 матч 6 рет жеңіске жетіп, 3 рет тең түссе, 3 рет қарсыласына есе жіберді.
Александр Кержаков Ресей футболының (233 гол), санкт-петерборлық «Зениттің» (161 гол), Ресей құрамасының (30 гол) тарихындағы үздік сұрмергені атанған.
Ойыншы ретінде «Зениттен» бөлек испаниялық «Севилья», швейцариялық «Цюрих» пен Ресейдің «Динамо» (Мәскеу) командаларында ойнаған.
УЕФА, Испания кубогы мен суперкубогының, Швейцария Кубогының иегері.
Александр бапкерлік мансабын 2017 жылы «Зенит» футбол клубы академиясында бастады. 2018-2020 жылдар аралығында Ресейдің 17, 18, 19 жасқа дейінгі жасөспірімдер құрамаларын жаттықтырған. Сондай-ақ, ол ресейлік «Томь» және «Нижний Новгород», кипрлік «Кармиотисса» мен сербиялық «Спартак» Суботица футбол клубтарын баптаған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
