Ақтөбеде оқушының өліміне байланысты жұмыс тобы құрылды
Темір ауданы Қопа ауылындағы оқушы өлімінен соң облыстық білім басқармасында жұмыс тобы құрылды.
Фото: pexels
12:45 04.09.2024
Оқушылар арасындағы төбелес, жасөспірім өлімінің себеп-салдарын зерделеу жөніндегі жұмыс жұмыс тобы құрылды.
- Темір ауданы Қопа ауылында мектеп оқушылары арасында жанжал туып, төбелес болды. Соның салдарынан 9 сынып оқушысы қаза болды. Осы оқиға бойынша зерделеу жүргізу үшін Ақтөбе облысы білім басқармасының басшысы бастаған арнайы жұмыс тобы құрылды. Жұмыс тобының құрамына облыстағы бала құқығы жөніндегі уәкіл де енгізілді. Жұмыс тобының қорытындысы шығарылғаннан кейін қосымша хабарланады. Қазіргі таңда аталған оқиға бойынша тергеу басталды. Істің мән-жайы әзірге анықталған жоқ,- деді Ақтөбе облысы білім басқармасы басшысының орынбасары Нұргүл Бертілеуова.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
