Қазақстандық балуан жастар арасында әлем чемпионы атанды
Испанияның Понтеведре қаласында күрес түрлерінен 20 жасқа дейінгілер арасында өтіп жатқан әлем чемпионатында қазақстандық Ислам Евлоев жеңімпаз атанды.
Фото: UWW
09:40 05.09.2024
Қазақстандық балуан грек-рим күресінен 82 келіге дейінгі салмақта үздік шықты. И.Евлоев финалда түркиялық Алперен Берберді 9:3 есебімен тізе бүктірді.
Тағы бір грек-рим күресінің шебері Юсуф Ашрапов 62 келіге дейінгі салмақта күмісті қанағат тұтты. Ол алтын үшін белдесуде ирандық Ахмадрез Нохсен Нижадқа есе жіберді. Сондай-ақ Оңдасын Хамитов 60 келіге дейінгі салмақта қола жүлде үшін бәсекеде жапониялық Кохаку Каназавадан 9:0 есебімен басым түсті.
Осылайша, аталмыш біріншілікте Қазақстан қоржынында қазіргі кезде бес медаль бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
