Азат Перуашев партиядағы орынбасары ұсталғанын растады
Ұлттық қауіпсіздік комитеті «Ақ жол» партиясы төрағасының орынбасары Дмитрий Васильевтің ұсталғанын растады. Бұл туралы журналистерге аталған партияның төрағасы Азат Перуашев айтты.
Фото: parlam.kz, akzhol.kz, Коллаж: Tengrinews.kz
16:12 11.09.2024
«Кеше партияласым Дмитрий Васильевтің ұсталғаны туралы ресми жауап (Ұлттық қауіпсіздік комитетінен) алдық. Оның адвокаттарымен байланысқа шығуға тырыстық, алайда хабарласу мүмкін болмады. Сондықтан адвокаттардың берген жауабынан кейін істің мән-жайын анықтаймыз», — деді А. Перуашев Парламент Мәжілісінде тілшілер сұрағына жауап бере отырып.
Оның айтуынша, Дмитрий Васильевтің қай бап бойынша ұсталғаны туралы нақты ақпарат жоқ.
Осы жағдай бойынша таяу арада партияның сайтында қосымша ақпарат беріледі.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
