Лаура Мерсалимова ҚР әділет вице-министрі қызметіне тағайындалды
Қазақстан Республикасы Үкіметінің қаулысымен Лаура Қанатқызы Мерсалимова әділет вице-министрі қызметіне тағайындалды. Бұл туралы ҚР Премьер-Министрінің ,аспасөз қызметі хабарлайды.
Фото: ҚР Үкіметінің баспасөз қызметі
09:40 12.09.2024
1981 жылы Қарағанды қаласында дүниеге келді. Қазақ гуманитарлық-заң университетін, РФ Президенті жанындағы Ресей халық шаруашылығы және мемлекеттік қызмет академиясын бітірген.
Еңбек жолын 2002 жылы ҚР Әділет министрлігі АХАЖ бөлімінің жетекші маманы болып бастады.
2003-2010 жылдары — ҚР ӘМ жетекші маман, бас маман, бөлім бастығы, басқарма бастығы.
2010-2014 жылдары — ҚР ӘМ департаменті директорының орынбасары.
2014 жылы ҚР тұтынушылардың құқықтарын қорғау агенттігі Заң қызметі департаментінің директоры болды.
2014-2023 жылдары — «Атамекен» ұлттық кәсіпкерлер палатасында департамент директорының орынбасары, басқарушы директор – департамент директоры.
2024 жылғы наурыздан бастап қазіргі уақытқа дейін — ҚР әділет вице-министрі (А. Қ. Мұқанова әлеуметтік демалыста болған кезде).
2024 жылдың қыркүйегінен бастап бұрын осы қызметті атқарған Алма Мұқанова басқа жұмысқа ауысуына байланысты босатылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
