ДДҰ маймыл шешегіне қарсы алғашқы вакцинаны мақұлдады
Даниялық Bavarian Nordic A/S компаниясының MVA-BN вакцинасы алдын ала біліктіліктен өтіп, маймыл шешегіне қарсы алғашқы вакцина болды. Бұл туралы ДДҰ жазды.
Фото: freepik
08:42 16.09.2024
– Bavarian Nordic A/S өндірушісінің MVA-BN вакцинасы Дүниежүзілік денсаулық сақтау ұйымының (ДДСҰ) алдын ала біліктілігінен өтіп, маймыл шешегіне қарсы алғашқы дәрі болды, - делінген хабарламада.
MVA-BN вакцинасын 18 жастан асқан адамдарға төрт апта аралықпен екі инъекция түрінде егіледі. Тоңазытқышта бастапқы сақтаудан кейін вакцинаны сегіз апта бойы +2 ... +8 градус температурада қалдыруға болады.
– Маймыл шешегіне қарсы вакцинаның алдын ала біліктілігі Африкадағы қазіргі эпидемия кезінде де, болашақта да осы аурумен күресудегі маңызды қадам саналады. Енді біз вакциналардың ең қажет болған жерлерінде әділ таралуын қамтамасыз ету үшін сатып алуды, донорлықты және оларды қолдануды шұғыл түрде кеңейтуіміз керек, - деді ДДҰ бас директоры Тедрос Адҳаном Гебрейесус.
ДДҰ мәліметтері бойынша, MVA-BN бір реттік дозасы маймыл шешегінен қорғауда 76 пайыз тиімді, ал екі доза 82 пайыз тиімді деп бағаланған.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
