Ақтөбе мыс компаниясындағы жұмысшы өлімінен соң қылмыстық іс қозғалды
Ақтөбе мыс компаниясындағы жұмысшы өлімінен Қылмыстық кодекстің «Еңбектi қорғау қағидаларын бұзу» бабы бойынша іс қозғалды.
17:19 20.09.2024
«Қазір сот алды тергеу жүріп жатыр. Оқиғаның қалай болғаны анықталады»,- деп хабарлады Ақтөбе облыстық Полиция департаменті баспасөз қызметінің жетекшісі Ерболат Сарқұлов.
Ал «Ақтөбе мыс компаниясы» ЖШС-нің баспасөз қызметі кәсіпорын тергеуге көмек көрсететінін жеткізді.
«18-қыркүйек сағат 23:15-те байыту фабрикасында төтенше жағдай болып, салдарынан бір жұмысшы көз жұмды. Оқиға орнында арнайы қызметтер жұмыс істеп жатыр, себеп-салдары анықталуда. Кәсіпорын тергеуге жан-жақты көмегін көрсетіп жатыр. Кәсіпорын басшылығы марқұмның отбасы мен жақындарының қайғысына ортақтасып, көңіл айтады, материалдық көмек көрсетіледі», - деді компанияның баспасөз қызметі.
Айта кетейік, мыс компаниясында ұсақтаушының үстіне кен опырылып түсті. Қазіргі кезде Ақтөбе облыстық еңбек инспекциясы басқармасы тергеу жүргізіп жатыр.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
