Өскеменде көлік қағып кеткен жасөспірім ауруханада көз жұмды
ШҚО Полиция департаменті баспасөз қызметінің мәліметіне сүйенсек, оқиға 19 қыркүйек күні Тоғас көшесінде болған.
19:36 20.09.2024
«Lada Granta көлігінің жүргізушісі реттелмеген жаяу жүргіншілер өткелінен өтіп бара жатқан 2005 жылғы жасөспірімді қағып кеткен. Ауыр жараланған ол шұғыл түрде ауруханаға жеткізілді», - деп хабарлады ведомство өкілдері.
Дәрігерлер қолдан келгенін істегенімен жасөспірім медициналық мекемеде көз жұмды. Қазіргі уақытта аталған факті бойынша сотқа дейінгі тергеу амалдары жүргізіліп жатыр. Тиісті сараптамалар тағайындалған.
Жол апатына себепкер болған көлік жүргізушісі уақытша ұстау изоляторына қамауға алынды.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
