СҚО-да әйел гаражда жасырын босанып, баласын қалдырып кеткен
Солтүстік Қазақстан облысы Ғ.Мүсірепов атындағы ауданда әйел гаражда босанып, баласын қалдырып кеткен. Қазір осы оқиға бойынша сотқа дейінгі тергеу басталды.
16:05 21.09.2024
25 жастағы әйел жасырын босанып, қан кеткеннен кейін Ғ.Мүсірепов атындағы ауданның орталық ауруханасына көрінуге мәжбүр болған. Тексеру барысында оның гаражда бала туғаны мәлім болды.
СҚО Полиция департаменті баспасөз қызметінің мәліметінше, қауіпті жағдайда қалдыру белгілері бойынша қазір сотқа дейінгі тергеу басталды. Барлық жағдай анықталады.
СҚО Денсаулық сақтау басқармасы баспасөз қызметінің мәліметінше, қазір әйел аудандық ауруханада жатыр, денсаулығы жақсы. Нәресте облыстық перинаталдық орталыққа жеткізілді. Қазіргі уақытта дәрігерлердің бақылауында, жағдайы тұрақталды.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
