Атырауда ер адамнан марихуананың 60 дозасы тәркіленді
Атырауда есірткі шеккен ер адам марихуана таратуға тырысқан. Полиция қызметкерлері одан марихуананың 60 дозасын тәркіледі.
Фото: polisia.kz
08:20 03.10.2024
Атырау облыстық полиция департаментінің баспасөз қызметінен мәлім еткендей, «Қарасора» жедел профилактикалық іс-шарасы кезінде ұсталған ер адамның жасы – 45-те.
«Экстремизмге қарсы іс-қимыл басқармасының қызметкерлері есірткі заттарын таратумен айналысқан күдіктіні қылмыс үстінде ұстады. Тінту барысында одан 60-қа жуық доза марихуана тәркіленді. Медициналық сараптаманың қорытындысымен күдіктінің есірткі шеккені анықталды», - деп хабарлады департаменттің баспасөз қызметі.
Қазір аталған дерек бойынша 45 жастағы күдіктіге қылмыстық іс қозғалды. Сотқа дейінгі тергеу амалдары жүргізіліп жатыр. Өзге ақпарат тергеу мүддесіне сәйкес жариялауға жатпайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
