Ақтөбеде мас күйінде көлік жүргізген әйел шұңқырға түсіп кетіп, бірнеше үй газсыз қалды
Ақтөбе қаласы Алтын орда шағын ауданында 8 тұрғын үй кешені газсыз қалды.
Фото: видеодан алынған кадр
13:26 03.10.2024
Мас күйінде көлік жүргізген әйел шұңқырға түсіп кетіп, құбырды зақымдаған, деп жазады kazinform.
Оқиға бүгін сағат таңғы 06:30 шамасында болды. Облыстық ПД баспасөз қызметінің жетекшісі Ерболат Сарқұловтың айтуынша, Mercedes маркалы автокөлігінің 39 жастағы жүргізушісі жол құрылысы кезінде қазылған шұңқырға түсіп кеткен.
«Жүргізуші әйел мас болған. Жол-көлік оқиғасы кезінде ол зардап шекпеді. Қазіргі кезде хаттама толтырылып, іс шешім шығару үшін әкімшілік сотқа жіберілді», - деп хабарлады облыстық ПД баспасөз қызметінің жетекшісі Ерболат Сарқұлов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
