Шымкентте қаржылық пирамидасын ұйымдастырғандар сотталды
Шымкент қаласының қылмыстық істер жөніндегі ауданаралық сотының үкімімен қаржылық пирамида құру және оған басшылық етумен «Пайызсыз Баспана» тұрғын үй ұйымының басшысы мен қызметкерлері 3 жылдан 6 жылға дейінгі мерзімге бас бостандығынан айыру жазасына сотталды.
21:00 03.10.2024
Бұл туралы Шымкент қаласы прокуратурасының баспасөз қызметі мәлім етті.
Прокуратураның дерегінше, сотталушылар Шымкент, Алматы, Астана қалаларында 2019-2021 жылдары аралығында «Инстаграм» әлеуметтік желісі арқылы ақша салымшыларды тартып, төмен бағамен баспана ұсынуға уәде берген.
«Қылмыстық схемаға сәйкес бұдан әрі салымшылардың қаражатына өздерінің қажеттілігі үшін жылжымалы және жылжымайтын мүліктер алғандары анықталды, 134 жәбірленушіге 171 млн теңгеден астамкөлемде залал келтірілген», - делінген хабарламада.
Сот үкімі заңды күшіне енген жоқ.
Шымкент қаласының прокуратурасы шаһар тұрғандары мен қонақтарының назарына қандай да бір тұрғын үй ұйымына жарна және қаржылық пирамидаға ақша салу ұсынылған жағдайда сақ болуын сұрайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
