Алматыда заңсыз жұмыс істеген африкалықтар ұсталды
Алматыда Африка елдерінен келген алты және көршілес мемлекеттерден келген бір азамат анықталды.
Фото: Алматы қаласы ПД
11:15 08.10.2024
Шетелдіктер жеке құрылыс алаңында, мейрамхана мен көлік жуу орнында заңсыз жұмыс істеген. Олар полиция департементінің қабылдап-тарату орнына жеткізілді.
«Шетелдіктердің жеке басын куәландыратын құжаттары болмаған. Олар Қазақстан Республикасының көші-қон заңнамасын бұзғаны үшін құқық бұзушылар әкімшілік жауапкершілікке тартылып, елден шығарылатын болады. Осы күндері Алматыда жедел жағдайды жақсартуға, қоғамдық тәртіпті, жол қауіпсіздігін қамтамасыз етуге, заңсыз көші-қонның және басқа да заңсыз әрекеттердің жолын кесуге бағытталған «Участок» жедел-алдын алу іс-шарасы өткізіліп жатыр», - деді Алматы қалалық ПД Көші-қон қызметі Басқармасының бастығы Асхат Бутунчинов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!