Алматыда 57 жыл пайдаланылған жылу құбыры ауыстырылды
Алматыда тозығы жеткен жылу құбыры ауыстырылды.
Фото: Виктор Федюнин/ Kazinform
10:10 08.10.2024
Алматыда Сүйінбай даңғылы бойындағы Гаршин көшесінен Бекмаханов көшесіне дейінгі аралықтағы құбырды ауыстыру жұмыстары аяқталды. Қайта жөнделген бөліктің ұзындығы 644,5 метр.
Ауыстырылған құбыр 1967 жылы пайдалануға берілген және қазіргі уақытта 3 көпқабатты тұрғын үй мен 1 жеке үйді жылу және ыстық сумен қамтамасыз етеді.
«Қалада биыл 20 км жылу желілерін қайта жаңарту көзделген. Алматының 6 ауданында жылыту аралық кезеңге жоспарланған қайта құру жұмыстары бекітілген кестеге сәйкес жүргізіледі. Аумақтарды абаттандыру ауа райына қарай кезең-кезеңімен жүзеге асады»,- деп атап өтті әкімдіктен.
Осыған дейін Абай даңғылы мен Саин көшесінің батыс бағытында 2 шақырымға жуық құбырдың жаңартылғаны туралы жазған едік.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!