Ақтөбеде полиция жеті көліктен ұрлық жасаған күдіктіні ұстады
Полиция қызметкерлері автокөлік ұрлығын ашу бойынша жедел іс-шараларды өткізу барысында 23 жастағы жігітті ұстады, деп хабарлайды Zakon.kz.
Фото: ҚР ІІМ
12:26 08.10.2024
Күдікті түнде құлыпты бұзу және әйнектерді сындыру арқылы көліктерден ұрлық жасаған. Күдіктінің жеті ұрлыққа қатысы бар екені анықталды. Жігіт телефондар мен қолма-қол ақшаны иеленіп отырған.
Заттай дәлелдемелер ішінара тәркіленді. Автокөлік иелеріне келтірілген залал есептелуде. Ұрлық фактілері бойынша сотқа дейінгі тергеп-тексеру басталды. Күдікті уақытша ұстау изоляторына қамалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
