Қазақстан 2030 жылға қарай контейнерлік жүк тасымалын 10 млн тоннаға жеткізбек

«Қазақстан-Нидерланды іскерлік кеңесі елдеріміздің арасындағы ынтымақтастықты нығайту үшін маңызды платформа саналады. Біздің серіктестік қарым-қатынасымыз дамып келе жатыр. Бұл іс-шара ынтымақтастықтың маңыздылығын растап қана қоймай, сонымен қатар Транскаспий халықаралық дәлізін ең қысқа мерзімде жеткізетін заманауи мультимодальды және тиімді бағытқа айналдыруға ортақ ұстанымымызды көрсетеді», - деді ол елордада өткен Қазақстан-Нидерланды бірінші іскерлік кеңесінде.

Оның атап өтуінше, осы жылдың 8 айында Орта дәліз арқылы жүк тасымалдау көлемі 69 пайызға артты. 

«Қытай-Еуропа-Қытай бағытында контейнерлік тасымалдың өсуін ерекше атап өткім келеді. Ол 20 мың ЖФЭ-ге (жиырма футтық эквивалент) жетіп, 20 есе ұлғайды. Сонымен қатар, Транскаспий халықаралық көлік бағытын дамыту жөніндегі жұмыс тобының бірінші отырысы аясында контейнерлік пойыздардың санын жылына 600 бірлікке дейін арттыру туралы келісімге қол жеткізілді. 2030 жылға қарай бұл көрсеткішті жылына 10 млн тоннаға, оның ішінде 500 мың контейнерге жеткізу жоспарланып отыр. Қазақстан транзиттік бағыттардың негізгі элементі саналады және біз жаһандық логистикадағы рөлімізді арттыруға ниеттіміз. Ол үшін көлік инфрақұрылымын жақсарту бойынша жұмыс істеп жатырмыз. Бұл тауарды тезірек жеткізуге, инвестиция ағынын қамтамасыз етуге және аймақтағы сауданы ынталандыруға мүмкіндік береді», - деді Мақсат Қалиақбаров.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!