Алматыдағы тұрғын үй кешендерінің бірінде пәтерлер мен шатыр жанды
17 қазанда Алматыдағы Құрманғазы– Байтұрсынов көшелерінің қиылысында орналасқан "Престиж Алатау" тұрғын үй кешенінде алапат өрт орын алды, деп хабарлайды Zakon.kz.
Фото: Zakon.kz
13:31 17.10.2024
Алматы ТЖД мәліметінше, бірнеше өрт сөндіру жасақтары Қашқар көшесіндегі үйге жіберілген. Жалын пәтерлермен қоса, шатырды да қамтыған.
"8 қабатты тұрғын үйдің 7-қабатындағы пәтер өрті жылдам таралуда. Оқиға орнында өрт сөндірушілер жұмыс атқарып жатыр", — деп хабарлады ведомство.
Өрттің таралу қаупі жойылды, ауданы анықталуда. Тілсіз жаумен 25 өрт сөндіруші мен 6 техника күресуде. Қосымша көмек те жіберілді.
"Олар қауіпсіздік техникасын сақтай отырып жұмыс істеуде, өйткені заттардың құлау қаупі бар", – деп қосты ТЖД.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!