Бүгін түнде Қарағанды облысында өрт болып, үш бала эвакуацияланды
Бүгін түнде Қарағанды облысының Саран қаласында шаруашылық құрылыстан өрт шықты, деп хабарлайды ҚР Төтенше жағдайлар министрлігінің баспасөз қызметі.
Фото: Қызылорда облыстық ТЖД
09:45 20.10.2024
Баспасөз қызметінің мәліметтеріне қарағанда, құтқарушылар өрт кезінде 3 адамды эвакуациялап, өртеніп жатқан жерден үш газ баллонын шығарды. Өрт Саран қаласы Цимлянская көшесі бойындағы үй ауласында шаруашылық құрылысынан шыққан, сондай-ақ дуал жанған.
Төтенше жағдайлар министрлігінің өкілдері үйден 3 баланы эвакуациялады.
«Өрт аймағынан көлемі 27 литр болатын 3 газ баллоны шығарылды. Жалын 40 шаршы метр алаңды шарпыған, өрт толық сөндірілді, зардап шеккендер жоқ», - делінген хабарламада.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
