Алматыда трансформатор өртенді
Алматылық өрт сөндірушілер жанып жатқан трансформаторды сөндірді.
Фото: ТЖД
10:01 22.10.2024
Алматы қалалық Төтенше жағдайлар департаменті мәлім еткендей, өрт бүгін таңғы сағат 07:36 шамасында шыққан.
«Бостандық ауданы, Желтоқсан көшесі, 185/1 мекенжайында орналасқан трансформатордың қосалқы станциясы өртенді. Өрт сөндірушілер шұғыл нысанды электр қуатынан ажыратып, өртті жою шарасын қабылдады. Ауа-механикалық көбікті қолданған мамандар қызыл жалынды толығымен сөндірді», - деп хабарлады департаменттен.
Өрт 10 шаршы метр жерді шарпыған. Зардап шеккендер жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
