Егіздің сыңарын әуежайда қалдырып кеткен: Air Astana 5 млн теңге моральдық шығын өтейді
Биыл жазда FlyArystan әуе компаниясының қызметкерлері Астанадан Орал қаласына жолға шыққан егіз жасөспірімнің бірін әуежайда қалдырып кеткен, деп жазады kazinform.
Фото: Солтан Жексенбеков/ Kazinform
10:38 29.10.2024
Бұл туралы егіздің анасы Жазира Мусина өзінің әлеуметтік парақшасына жазып, арты шуға айналған еді.
«Сот Air Astana әуе компаниясына Зеренің анасына 5 000 000 теңге көлемінде моральдық шығын өтеуге міндеттеді», — деп жазды егіздің анасы Жазира Мусинаның адвокаты желідегі Дәнілхан Шағатаев жеке парақшасында.
Адвокаттың айтуынша, әуе компаниясы бастапқыда шағымға атүсті қараған, іске қоғамдық наразылықтан кейін мән берген.
«Бұл бірінші жағдай емес, сондықтан біз кәмелетке толмаған жолаушылардың құқықтарын қамтамасыз етуде нақты өзгерістерге қол жеткізу үшін соңына дейін баруға шешім қабылдадық. Қазір комитет түзетулер бойынша жұмыс істеп жатыр», — дейді ол.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
