Алматыда жұмыртқаның шекті бағасы бекітілді
Алматыда жұмыртқаның шекті бағасы бекітілді. «Алматы» ӘКК» АҚ бірінші санаттағы жұмыртқаның бағасын тұрақтандыру үшін «Сары-Бұлақ» құс фабрикасымен шартқа отырды.
Фото: freepik.com
08:41 01.11.2024
Келісім аясында 1-санаттағы тауық жұмыртқасының бағасы айына 2,4 млн дана көлемінде тұрақталады. Тұрақтандыру кезеңі – 36 ай.
«Сары-Бұлақ компаниясы» ЖШС өнімдері қаладағы сауда желілері, сондай-ақ сауда нүктелері арқылы сатылатын болады.
1-санаттағы жұмыртқаның бір дана үшін сату бағасы 51 теңге. Қаланың сауда объектілеріндегі сатушының сауда үстемесін ескере отырып, бір дана үшін баға 58 теңгеден аспайды.
Толық ақпаратты almatyazyk.kz сайтынан білуге болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
