Қазақстанда техникалық байқау жүргізуге рұқсат беретін уәкілетті орган анықталды
Елімізде техникалық байқау операторларының қызметіне екінші санаттағы рұқсаттар беруге уәкілетті орган айқындалды.
Фото: Виктор Федюнин/Kazinform
12:29 04.11.2024
Бұл туралы қаулы жобасы «Ашық НҚА» порталында жарияланды.
«Қазақстан Республикасының Көлік министрлігі техникалық байқау операторларының қызметіне екінші санаттағы рұқсаттар беруге уәкілетті орган болып белгіленсін», - делінген құжатта.
Жоба 2024 жылғы 3 қазанда қабылданған көлік құралдарының жекелеген түрлерінің қозғалысын ұйымдастыру және жол қауіпсіздігін цифрландыру мәселелері бойынша «Жол қозғалысы туралы» заң шеңберінде әзірленді. Қаулы 2025 жылғы 5 сәуірден бастап қолданысқа енгізіледі, ал 18 қарашаға дейін жұртшылық талқысына ұсынылып отыр.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
