Алматыда 7 млн теңге айыппұлы бар көлік жүргізушісі ұсталды
Алматыда 37 млн теңге көлемінде айыппұл салынған көліктер анықталдыдеп хабарлайды Polisia.kz.
Фото: Видео кадры polisia.kz
16:10 04.11.2024
Алматы Полиция департаментінің мәліметінше, айыппұл төлемегендер тізімінде шетелде тіркелген Mercedes-Benz көлігінің жүргізушісі көш бастап тұр. Ол 7 млн теңгеден астам сомаға жол қозғалысы ережесін бұзған. Алайда айыппұлының ешқайсысын төлемеген.
«Құқық бұзушылыққа «мүлдем төзбеушілік» қағидаттарын және құқық бұзушылықтар үшін жазаның бұлтартпастығын қамтамасыз ету мақсатында Алматы полициясы тұрақты негізде рейд өтікізіп отырады. Шара барысында 37 млн теңге көлемінде айыппұл салынған көліктер анықталды», — деп хабарлады ведомстводан.
Құқық бұзушылардың көлігі арнайы айыппұл тұрағына қойылды.
«Қазақстан Республикасының Әкімшілік құқық бұзушылық туралы кодексіне сәйкес келген жері бойынша тәркілеу туралы хаттама толтырылды. Көлікті айыппұл тұрағынан босату тек айыппұлды толық өтегеннен кейін ғана жүзеге асырылады», — деп мәлімдеді жергілікті полиция қызметінің жедел іздестіру бөлімінен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
