Ақтөбеде жолдағы көктайғақта автобус пен жүк көлігі соқтығысты

Ақтөбе-Астрахань тас жолында жол-көлік апаты болды. Оқиға сағат 9:30 шамасында тіркелген. Алға ауданына қарасты Тамды ауылының маңында Howa жүк көлігі мен Yutong маркалы автобус соқтығысты. 

«Жол-көлік оқиғасы салдарынан автобус жүргізушісі ауруханаға жеткізілді. Ақтөбе облысы полиция департаменті ауа райының қолайсыздығы байланысты жол қозғалысының барлық қатысушыларына барынша мұқият және сақ болуға шақырады», — деп хабарлады облыстық ПД баспасөз қызметі.

Ақтөбе облыстық денсаулық сақтау басқармасы баспасөз қызметінің хабарлауынша, оқиға орнына Алға аудандық ауруханасынан жедел жәрдем бригадасы барған. 59 жастағы жүргізуші жабық бас-ми жарақатын алған. 

«Сол жақ қолында сүйегі жарылған. Ол Алға аудандық ауруханасына жатқызылды», — деп хабарлады Ақтөбе облыстық денсаулық сақтау басқармасының баспасөз қызметі.

Дереккөз: Kazinform 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!