Биткоин бағамы тарихта алғаш рет 80 мың доллардан асты
АҚШ-та президенттік сайлаудағы Дональд Трамптың жеңісімен қатар биткоин бағасы одан әрі өсуде. 11 қарашада криптовалюта бағамы 81 000 доллардан жоғары көтерілді. Сайлау науқаны кезінде Трамп АҚШ-ты «планетаның крипто астанасына» айналдыруға уәде берген.
18:02 11.11.2024
10 қарашада биткоин бағамы тарихта алғаш рет 80 000 доллардан асты. Криптовалютаның құны 4,7 пайызға өсіп, рекордтық көрсеткішке жетті, деп жазды Bloomberg.
Соңғы мәліметтерге сәйкес биткоин бағамы 81 мың 109,41 долларға жеткен.
Bloomberg агенттігінің хабарлауынша, биткоин бағасы АҚШ-тағы президенттік сайлауда Дональд Трамптың жеңіске жетуі аясында өсуді жалғастыруда.
Сайлау науқаны кезінде Трамп АҚШ-ты «планетаның крипто астанасына» айналдыруға уәде берді.
Ол сондай-ақ биткоиндердің ұлттық резервін құруды ұсынды. Жалпы, АҚШ-тағы президенттік сайлаудан кейін биткоин бағамы шамамен 13 мың долларға өсті.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
