Сәния Смаилова СҚО мемлекеттік сатып алу басқармасына басшы болып тағайындалды
Солтүстік Қазақстан облысы әкімінің өкімімен Сәния Смаилова мемлекеттік сатып алу басқармасының басшысы болып тағайындалды.
Фото: СҚО әкімдігі баспасөз қызметі
10:50 12.11.2024
Сәния Николайқызы 1969 жылы туған, СҚО М.Жұмабаев ауданы Ұзынкөл ауылының тумасы. Омбы ауыл шаруашылығы институтын, Көкшетау гуманитарлық-экономикалық университетiн «Жерге орналыстыру инженері», «Қаржы және кредит» мамандықтары бойынша бітірген.
Әр жылдары облыстың қаржы басқармасының білім ұйымдарын қаржыландыру бөлімінің басшысы, облыстың білім басқармасы басшысының орынбасары болып жұмыс істеді. Осы тағайындауға дейін Сәния Смаилова Петропавл қаласы әкімінің экономикалық мәселелер жөніндегі орынбасары қызметін атқарды.
Бұған дейін бірнеше жыл СҚО-да дене шынықтыру және спорт басқармасын басқарған Руслан Есеналиннің Қазақстан Республикасы Туризм және спорт министрлігі Спорт және дене шынықтыру істері комитетінің төрағасы қызметіне тағайындалғанын жазған едік.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
