Шымкенттегі жантүршігерлік жол апаты таспаға түсіп қалды
Шымкентте үш көлік соқтығысып, нәтижесінде екі адам қаза тапты, деп хабарлайды Zakon.kz.
Фото: Шымкент қаласы ПД баспасөз қызметі
13:12 12.11.2024
Бейнеге сүйенсек, жеңіл автокөлікті тізгіндегін жүргізуші жоғары жылдамдықта өзге көліктерді айналып өтпек болды. Алайда, рульге ие бола алмай, жолдың қарсы бетіне шығып, өз бағытымен келе жатқан автокөлікке соқтығысты.
Анықтаушы Мадияр Мантеевтің айтуынша, үш автокөліктің қатысуымен болған ЖКО 9 қарашада күндізгі уақытта Қ.Төлеметов көшесінде орын алған. Нәтижесінде Daewoo Nexia жүргізушісі мен жолаушысы оқиға орнында көз жұмған.
"Жол-көлік оқиғасы бойынша полициямен қылмыстық іс қозғалып, сотқа дейінгі тергеу басталды. Жол қозғалысы ережелерін бұзған және көліктердің соқтығысуына жол берген жүргізуші уақытша ұстау изоляторына қамалды",- делінген ақпаратта.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
