Бокстан 2024 жылғы Азия чемпионаты Таиландта өтеді
Азия бокс конфедерациясының баспасөз қызметі 2024 жылғы Азия чемпионатының өткізілетін орнын өзгерту туралы ресми мәлімдеді. Бұл туралы ҰОК-нің баспасөз қызметі хабарлады.
Фото: ҰОК
09:05 13.11.2024
Алғашында турнир Иорданияның Амман қаласында өтуі жоспарланған еді. Бірақ ресми мәліметтер бойынша, биылғы жылы чемпионат Таиландтың Чиангмай қаласына өзгертілді.
Жарыс бұрын белгіленген күндер ішінде, яғни 30 қараша мен 11 желтоқсан аралығында өтеді.
Айта кетейік, соңғы рет Таиланд Азия чемпионатын 2019 жылы қабылдаған еді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
