ШҚО тұрғынының көлігінен 240 келіден астам тірі шаян табылды
Шығыс Қазақстан облысы тұрғынының көлігінен полицейлер заңсыз ауланған 240 келіден астам тірі шаянды тапты.
Фото: ШҚО ПД
13:54 15.11.2024
Шаяндар 16 қапқа салынған. ШҚО полиция департаменті баспасөз қызметінің мәліметіне сүйенсек, «Браконьер» жедел алдын алу шарасын жүргізіп жатқан тәртіп сақшылары «Өскемен-Самар» тасжолында автокөлікті тоқтатқан.
«Тексеру кезінде көлік салонынан тиісті құжаттарсыз тасымалданған 16 қапқа салынған тірі шаяндарды тапқан. Аталған факті бойынша қылмыстық іс қозғалды. Сараптама тағайындалып, тергеу амалдары жүргізіліп жатыр», - делінген ақпаратта.
Күдікті Өскеменге жеткізілді. Анықталғандай,ол 240 келіден астам шаянды басқа адамнан сатып алған.
«Алдын ала дерек бойынша заңсыз шаян аулаудың салдарынан мемлекетке келтірілген залал мөлшері 1,6 млн теңгені құрады», - делінген хабарламада.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
