Алматы маңында 5 мыңға жуық абонент көгілдір отын желісінен уақытша ажыратылады
Алматы маңында 19 қараша күні ТЭЦ-3-ке дейін тартылып жатқан жаңа газ құбырын қосу жұмыстары жүргізіледі.
Фото: «Азиялық Газ құбыры» ЖШС
11:43 18.11.2024
Бұл туралы «QazaqGaz Aimaq» АҚ-ның Алматы өндірістік филиалы хабарлады. Жоспарланған жұмыстарға орай Алматы облысы Іле ауданының бірнеше елдімекендеріндегі 4449 абонентке көгілдір отын беру уақытша тоқтатылады. Олар:
- Көктерек ауылы
- «Энергетик» саяжай-кооперативі
- Байсерке ауылы
- «Проектировщик» саяжай-кооперативі
- «Надежда» саяжай-кооперативі.
Сондай-ақ «QazaqGaz Aimaq» АҚ Алматы өндірістік филиалы мамандары қауіпсіздікті қамтамасыз ету үшін тұрғындарға жұмыстар аяқталғанға дейін газ шүмектерін жауып қоюға және іске қосу шаралары толық аяқтамайынша газ шүмектерін ашпауға кеңес берді.
— Бұл - мегаполистің экологиялық ахуалын жақсарту мақсатында ТЭЦ-3-тің табиғи газға көшірілуіне байланысты жүргізіліп жатқан кешенді жұмыстар. Сұрақтарыңыз болса, 104 нөмірі бойынша газ қызметіне хабарласа аласыз. Уақытша келтірілген қолайсыздықтар үшін кешірім сұраймыз және тұтынушылар тарапынан түсіністікке сенім артамыз, - деп хабарлады «QazaqGaz Aimaq» АҚ Алматы өндірістік филиалынан.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
