Түркістан облысының полицейлері кісі өлтірген күдіктіні іздеп жатыр
Төлеби ауданында ер адамды өлтіру фактісі бойынша қылмыстық іс қозғалды. Бұл туралы Түркістан облысы полиция департаментінің ресми өкілі Гүлнар Абдужаппарова мәлімдеді.
Фото: pixabay.com
17:21 18.11.2024
Оқиға Түркістан облысы Біркөлік ауылындағы демалыс аймағында болды. 51 жастағы ер адамның денесінен пышақ жарақаттары табылған.
«Күдіктінің жеке басы анықталды және оны ұстау шаралары қабылданды. Департамент басшылығының тапсырмасы бойынша арнайы жедел-тергеу тобы құрылды. Күдіктіні іздестіруге полиция департаментінің жеке құрамы жұмылдырылды. Қазіргі уақытта болған оқиғаның барлық мән-жайларын анықтауға бағытталған қажетті жедел-іздестіру және тергеу іс-шаралары жүргізілуде», — деді Гүлнар Абдужаппарова.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
