Олжас Бектенов Тауарлардың электрондық каталогін жаппай енгізуді тапсырды
Қаржы министрлігі Тауарлардың электрондық каталогін жаппай енгізуді қамтамасыз етуі керек.
Фото: Kazinform
12:25 19.11.2024
Бұл туралы Үкімет отырысында Премьер-Министр Олжас Бектенов айтты.
«Тауарларды қадағалауды қамтамасыз ету мақсатында жалпы сыныптама бекітілді. Ол шикізат пен өнімді сәйкестендірудің халықаралық стандарттарын қолдануға, сондай-ақ біздегі барлық каталогтерді біріктіруге бағытталған. Сондықтан Қаржы министрлігі Тауарлардың электрондық каталогін жаппай енгізуді қамтамасыз етуі керек», - деді Премьер-Министр.
Үкімет басшысының атап өтуінше, жоғары оқу орындарының жанында ғылыми зерттеулер мен зертханалық сынақтардың кең спектрін жүргізе алатын ғылыми-зерттеу зертханалары жұмыс істейді. Олардың әлеуетін пайдалану қажет. Сондықтан Олжас Бектенов Ғылым министрлігі олардың бизнеспен қарым-қатынас жасау тәсілдерін дайындауы керектігін баса айтты.
«Биыл Техникалық реттеудің ақпараттық жүйесі іске қосылды. Бұл алаң барынша ашық болып, мемлекеттік органдар, бизнес-қоғамдастық пен халық үшін бірыңғай қол жеткізу нүктесіне айналуға тиіс. Сауда министрлігі осы ақпараттық жүйенің функционалын кеңейткені жөн», - деді ол.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
