Алматыда ағаш қоймасы өртенді
Алматыда ағаш сақтайтын ірі қойма өртенді. Дер кезінде өшірілген жалын үлкен аумаққа таралып үлгермеді.
Фото: Алматы ТЖД баспасөз қызметі
10:51 19.11.2024
Зардап шеккендер де жоқ. Алматы қалалық Төтенше жағдайлар департаментінің мәліметінше, 18 қараша күні сағат 16:14–те Әуезов ауданы Цветочная көшесі, 1/10 мекенжайында қоймада өрт шыққаны жайлы хабар түскен. Өрт сөндірушілер оқиға орнына жеткен сәтте қойманың ашық жалынмен өртенгені белгілі болған.
«140 шаршы метр алаңды шарпыған өнеркәсіптік база аумағында шатыр астындағы 2 деңгейлі контейнерлердегі жиналған ағаштың ашық жалынмен жанып жатқаны анықталды. Өрт жүктемесінің жоғары болуына байланысты қызыл жалын қас қағым сәтте ағашқа таралу қаупі туындады, алайда қабылданған жедел шаралармен қауіп қысқа мерзімде жойылды. Өрт жарты сағаттың ішінде оқшауланды. Алдын ала ақпарат бойынша бірнеше иесі бар нысанның жалпы ауданы 3 мың шаршы метрден асады», — деп хабарлады ведомстводан.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
