Павлодарда кәсіпкердің ісін тартып алатын қылмыс әлемінің серкесі ұсталды
Павлодарда ірі өнеркәсіптік кәсіпорындардың бірін рейдерлік жолмен басып алуға тырысқан қылмыс әлемінің серкесі ұсталды. Қылмыстық құқық бұзушылықтың салдарынан иелеріне 1 млрд теңгеден астам шығын келтірілген.
14:40 19.11.2024
Павлодар облысы бойынша экономикалық тергеп-тексеру департаменті өңірлік прокуратураның келісуімен бұрын тіркелген сотқа дейінгі тергеп-тексеру барысында Павлодар қаласының ірі өнеркәсіптік кәсіорындарының бірін басып алу рейдерлік әрекет жасаған қылмыс әлемінің серкесін әшкереледі.
«Қылмыстық құқық бұзушылықтың салдарынан иелеріне 1 млрд теңгеден астам шығын келтірілген. Жеке және заңды тұлғалардың жылжымалы және жылжымайтын мүлкін басып алудың өзге де фактілері анықталды. ҚР Қылмыстық процестік кодекстің 201-бабына сәйкес, тергеу мүддесін көздейтін өзге де мәліметтер жария етуге жатпайды», - деп хабарлады облыстық экономикалық тергеп-тексеру департаментінен.
Павлодар қаласы мамандандырылған тергеу сотының санкциясымен қылмыс жасаған күдікті 2 ай мерзімге қамауға алынды.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
