Жамбыл облысында 1100 тонна жабайы қарасора жойылды — Прокуратура

«Есірткісіз болашақ» жобасы және Есірткінің заңсыз айналымымен күрес бойынша мекемеаралық жоспардың нәтижесінде есірткі қылмыстары 15,2%-ға төмендеп, 1100 тоннадан астам жабайы қарасора жойылғаны атап өтілді, бұл есірткінің еліміздің басқа өңірлеріне таралуының азаюына әсер етті», — делінген хабарламада. 

«NarkoShekteuTaraz» телеграм-ботының көмегімен 2986 есірткі сайттары бұғатталса, 500-ден астам граффити жойылды және есірткінің жарнамасы бойынша 26 қылмыстық іс тіркелді. 

Бұл жұмысқа қоғам белсінділері, еріктілер және студенттер ат салысып отыр.  

Есірткінің заңсыз айналымымен айналысқан 38 топтың қызметіне тосқауыл қойылды, ал күштік құрылымдар жұмысының нәтижесінде есірткіні сатуды анықтау 24,7%-ға (93-тен 116-ға) өсті.

Сондай-ақ қылмысқа арандатушылыққа жол бермеу, мемлекеттік шекарадағы бақылауды күшейтумен есірткі зертханаларын және ҰҚТ-ны анықтауды арттыру бойынша шаралар айқындалды. 

Облыс прокуроры есірткі тұтынушылардың статистикасы шын мәніндегі жағдайды көрсетпейтінін атап өтті: 35 жасқа дейінгі 709 жас есепте тұр.

Бұл ретте, прокурорлар облыстық есірткі диспансері мен денсаулық сақтау мекемелерінің арасында өзара байланыстың болмауы салдарынан 156 есірткі тұтынушы есепке алынбағанын анықтады.

Бүгінде мұндай азаматтарды есепке алудың жаңа тетіктері енгізілді.

Биыл есірткімен байланысты 93 қылмысты жоғары және арнайы білімдері бар жұмыссыз жастар жасаған. 

Осыған байланысты, Ербол Қарашөкеев әкімдерге жұмыспен қамту шараларын жандандыруды және есірткіге тәуелді тұлғаларды оңалту орталығының құрылыс мәселесін қарастыруды тапсырды.

Облыс әкімі есірткінің азаюына септігін тигізген қарасораны жою жұмыстарының тиімділігін оң бағалап, бұл жұмысты келесі жылы да жалғастыруды және қарасораны өңдеу бойынша арнайы жобасын жүзеге асыру мүмкіндігін зерделеуді тапсырды. 

Дереккөз: Kazinform

Бізді Youtubе-та қараңыз! Бізді Facebook-та, Instagram-да, Telegram-да оқыңыз!